Madridning "Real" klubi bosh murabbiyi Zinedin Zidan Chempionlar ligasi chorak finalida "Bavariya"ga qarshi kechgan javob o'yini (4:2) haqida fikr bildirdi.
"Menimcha "Real" boshqaruviga kelganimdan buyon eng qiyin o'yin mana shunisi bo'ldi. "Bavariya" bizga juda katta bosim o'tkazdi, ammo biz xotirjamlikni saqlab qoldik va unga qarshi turishni uddaladik.
Avvalroq gol urishimiz mumkin edi. Hech kim xatolardan kafolatlanmagan va raqib bizning xatolarimizdan foydalandi.
Anchelotti bilan hakamlik haqida gaplashib oldik. U norozi. Ammo siz bilan hakamlarni muhokama qilmayman. Ularning ishi ancha og'ir", - deydi Zidan.
— deya xabar beradi uff.uz nashri.