“Manchester Yunayted” klubi bosh murabbiyi Joze Mourino yarim himoyachi Adnan Yanuzayning xizmatlariga muhtoj emas.
Takvim nashrining ma'lumotiga ko'ra, 22 yoshli futbolchi kelayotgan yozda ingliz klubini tark etadi.
Ta'kidlanishicha, o'yinchiga Turkiyaning “Fenerbaxche” jamoasi da'vogarlik qilmoqda.
Ushbu mavsumda Yanuzay “Sanderlend”da ijarada o'ynamoqda va barcha musobaqalarda 26 marta maydonga tushib, 2ta gol hamda 3ta golli uzatmaga mualliflik qilgan.
Uning “Manchester Yunayted” bilan shartnomasi 2018 yili tugaydi.
Avvalroq Mourino belgiyalik futbolchi bo'yicha bir qarorga kelgani haqida aytgandi, biroq, uni oshkor qilmasligini ma'lum qildi.
— deya xabar beradi uff.uz nashri.