Kataloniyaning "Barselona" klubi yarim himoyachisi Xaver Maskerano jamoadan ketishni rejalashtirmayapti. Sport nashri xabariga ko'ra, futbolchi mavsum yakuniga qadar jamoada qoladi. Argentinalik futbolchi boshqa jamoalardan kelgan takliflarni ko'rib chiqmasliklarini so'rab, rahbariyatga murojaat ham qilgan. Oldinroq Xaverning jamoani tark etishi haqida xabarlar tarqalgandi. Ma'lumot uchun, Maskeranoning "Barselona" bilan shartnomasi 2019-yilga qadar mo'ljallangan. Hozirda unga "Galatasaroy" klubidan qiziqish bo'layotgandi, lekin futbolchi bu taklifni ko'rib chiqishni inkor etgan.
— deya xabar beradi uff.uz nashri.