Bugun barchaning diqqat e'tibori O'zbekiston va KXDR o'yiniga qaratiladi. Shunday ekan biz bu borada futbol mutaxassislarning fikrlarini sizlarga taqdim etamiz.
Dastlab, “InterFUTBOL” gazetasi bosh muharriri Ahadxon Abduhamitov SPORTS.uz saytiga bo'lajak bellashuv oldidan fikrlari va o'yindan nimalar kutayotgani haqida aytib o'tdi.
O'yin oldi fikrlari
Tan olish kerak, ertangi o'yin termamiz va Samvel Vyacheslavovich uchun haqiqiy sinov vazifasini bajaradi. O'yin juda og'ir kechadi, chunki vakillarimiz hech qachon shimoliy koreyalkilarni osonlik bilan mag'lub eta olishmagan.
Faqatgina 1998 yilgi Osiyo o'yinlarini hisobga olmaganda, albatta... Aytish joizki, yopiq o'yin ko'rsatuvchi KXDR o'z maydonida termamiz ustidan haqli tarzda g'alaba qozongan(omad tufayli emas), hozirda guruh peshqadami biz uchun noqulay raqiblardan biri sanaladi...
Shunday ekan, bosim ko'proq O'zbekiston terma jamoasida bo'ladi. To'g'ri, guruhdan ikkinchi o'rin bilan ham chiqish mumkin, biroq futbolchilarda o'zlariga bo'lgan ishonchni yanada kuchaytirish, g'oliblik ruhiyatini yana bir karra mutahkamlash uchun ham bizga har qanday hisobdagi yutuq juda zarur...
Ketma-ket o'yinlarda qozonilgan g'alabalar futbolchilarimizga ijobiy ta'sir ko'rsatsa bo'lgani. Ko'p muxlisu mutaxassislar qatori qiyinchilik bilan bo'lsada, g'alaba qozonishimizga ishonaman...
Davomi Sports.Uz blogida.
— deya xabar beradi uff.uz nashri.