«Manchester Yunayted» klubi bosh murabbiyi Joze Mourino Angliya chempionatining 34-turidan o'rin olgan «Byornli»ga (2:0) qarshi kechgan o'yindan so'ng o'z fikrlari bilan o'rtoqlashdi. «Men o'yin so'nggida Pogbaga nima bo'lganini aniq ayta olmayman. Bilmayman, bu jarohatmi yoki shunchaki mushaklardagi charqoq. Ammo, agar u payshanba kunidagi o'yinda maydonga tusholmasa, biz yig'lab o'tirmaymiz, uning o'rnini boshqa futbolchi egallaydi. «Byornli» maydonida g'alaba qozonish oson ish emas va o'yinni nazorat qilish juda og'ir, biroq biz buni butun bahs davomida uddalay oldik. Biz raqibni qanday o'yin ko'rsatishini o'rgandik va ularga kuchli tomonlarini ko'rsatishlariga yo'l qo'ymadik. Bu juda yaxshi natija va biz bunga loyiq edik. Zlatan va Roxoning jarohati? Barcha tashvishda, biz bu haqda bosh qotirmoqdamiz. Ular kuchli bo'lishlari kerak. Jarroxlik amaliyoti o'tkaziladiganga o'xshamoqda, ammo men barcha tafsilotlarni ayta olmayman, bu futbolchining shaxsiy ishi. APLdagi to'rtinchi o'rin – sovrin emas, biroq u bizga kerak», – deydi Mourino.
— deya xabar beradi uff.uz nashri.