Angliya chempionatining 34-turidan o'rin olgan “Chelsi” – “Sautgempton” uchrashuvi o'z nihoyasiga etdi. Unda 4:2 hisobi qayd etilib, londonliklarning g'alabasi bilan yakunlandi. Dastlab, birinchi bo'limning 5-daqiqasidayoq Eden Azar Kostaning uzatmasidan so'ng jarima maydonchasi ichida to'pni darvozaning olis burchagiga joylab, hisobni ochdi. Oradan 21 daqiqa o'tib, Oreol Romeu o'zining sobiq jamaoasiga gol kiritib, muvozanatni tikladi. Birinchi bo'limning so'nggi daqiqalarida Gari Keyxill yana “Chelsi“ni hisobda oldinga olib chiqqan bo'lsa, tanaffusdan so'ng Diego Kosta farqni ikkita to'pgacha etkazib, londonliklar uchun APLdagi 50-golini kiritdi. O'yinning so'nggi daqiqalarida yana Kosta to'p kiritdi va hisobi 4:1 ko'rinishga olib keldi. Lekin Bertranning goli “Sautgempton“ni yirik hisobdagi mag'lubiyatdan qutqardi. Angliya chempionati, 34-tur Chelsi – Sautgempton 4:2 (2:1, 2:1)
Gollar: 1:0 – 5 Azar, 1:1 – 24 Romeu, 2:1 – 45 Keyxill, 3:1 – 53 Diego Kosta, 4:1 – 89 Diego Kosta, 4:2 – 90 Bertran.
Chelsi – Kurtua, David Luiz, Keyxill, Alonso, Aspilikueta, Matich, Mozes (Terri, 86), Fabregas (Pedro, 77), Kante, Azar, Diego Kosta.
Sautgempton – Forster, Stivens, Bertran, Soaresh, Yosida, Tadich, Uord-Prouz (Long, 82), Bufal (Redmond, 68), Romeu, Gabbyadini (Rodriges, 86), Devis.
Ogohlantirishlar: Kante (40), Fabregas (49), Romeu (60), Tadich (73).
— deya xabar beradi uff.uz nashri.