«Real» yarim himoyachisi Lukas Vaskes Realmadrid TVning Campo de Estrellas dasturiga taklif qilindi. Mazkur ko'rsatuvda futbolchi faoliyati bilan bog'liq qiziq voqealarni so'zlab berdi. «Real»dagi ishtirok haqida - «Real» safida jahon chempioni unvonini olib yurish men uchun katta sharaf. Bu maqomni saqlab qolish uchun «kamar»ni himoya qilishimiz lozim. Faoliyatimni «Real»da yakunlash niyatidaman. Umid qilamanki, xuddi shunday bo'ladi. Faoliyatini boshlashi haqida - Men eslaydigan yagona narsa - futbol. Amakimning restoranidagi oshxona men uchun primera maydoni edi. Akam bilan amakivachcham Jakoboni darvozaga qo'yib to'p tepardik. Albatta, har doim nimanidir sindirardik. Singan narsalarni esa tozalab, qopga solardik va qo'shnining tomiga irg'itardik. Men sindirgan taqdirimda ham akam bor aybni o'z bo'yniga olardi. «Bernabeu»ga birinchi tashrifi haqida - Bolaligimdan Madridning «Real»iga muxlislik qilganman.  Otam va amakim ham shu klub fanati hisoblanishadi. O'shanda jamoaning asosiy yulduzi Raul edi. U haqiqiy kumir. Oldinlari «Bernabeu»dagi o'yinlarni tomosha qilib, «qachondir shu erda o'ynayman», derdim. «Vilyarreal»ga qarshi uchrashuvni otam va akam bilan tomosha qilganman. O'yin 4:0 hisobida yakunlangan va Guti «xet-trik» qayd etgandi. «Real»dagi ko'rik haqida - Iyul oyining boshlari edi. Hovuzda cho'milib, endi qaytgandim. Uyga kirganimdan so'ng otam «Ey, Michel menga hozir qo'ng'iroq qilishdi. «Real»ning 17 yoshlilar jamoasida ko'rikdan o'tishing kerak ekan. Bunga nima deysan?», deb qoldi. Men esa «Dada, ustimdan kulyapsizmi?», dedim. Chunki bunga ishongim kelmagandi. Asosiy jamoadagi debyuti haqida DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.