Ispaniya chempionatining 34-turidan o'rin olgan “Barselona” – “Osasuna” uchrashuvi o'z nihoyasiga etdi. Unda 7:1 hisobi qayd etilib, kataloniyaliklarning yirik g'alabasi bilan tugadi. Uchrashuvning 12-daqiqasida Leonel Messi jamoasini oldinga olib chiqqan bo'lsa, 30-daqiqada Andre Gomesh hisobni oshirdi. Ikkinchi bo'lim boshida mehmonlar vakili Torres hisobni qisqartirishga erishdi. Biroq oradan ko'p vaqt o'tmay, avvaliga Andre Gomesh (57), so'ngra Messi (61) uchrashuvdagi dubllarini nishonladilar. 64-daqiqada Pako Alkaser mezbonlarning beshinchi goliga mualliflik qildi. Oradan uch daqiqa o'tar-o'tmas Maskerano penaltini aniq bajardi va etti yil deganda ilk bor gol kiritishga erishdi. Uchrashuvga Pako Alkaserning 86-daqiqadagi goli nuqta qo'ydi. Shu tariqa “Barselona” ushbu g'alabadan so'ng ochkolarini 78 taga etkazib oldi. Ispaniya chempionati, 34-tur Barselona – Osasuna 7:1 (2:0, 5:1) Gollar: 1:0 – 12 Messi, 2:0 – 30 Andre Gomesh, 2:1 – 48 Torres, 3:1 – 57 Andre Gomesh, 4:1 – 61 Messi, 5:1 – 64 Pako Alkaser, 6:1 – 67, penalti Maskerano, 7:1 – 86 Pako Alkaser. Barselona – ter Stegen, Maskerano, Din, Pike, Rakitich, Denis Suares, Buskets, Turan, Andre Gomesh, Pako Alkaser, Messi (Alenya, 63). Osasuna – Sirigu, Mondragon, Fuentes, Bunyuel, Sanxurxo, Merida (Chaushich, 79), Tensa, Romero (Olavide, 72), Torres, de la Kuevas, Leon (Kodro, 73).
— deya xabar beradi uff.uz nashri.