Germaniya terma jamoasi bosh murabbiyi Yoaxim Lyov so'zlariga ko'ra, Dortmundning “Borussiya” klubi yarim himoyachisi Mario Gyottse 2017 yilgi Konfederatsiyalar kubogida ishtirok eta olmaydi. Mazkur musobaqa 17 iyun - 2 iyul oralig'ida Rossiyada bo'lib o'tadi.
24 yoshli futolchi sog'lig'ida jiddiy muammolarga duch kelganligi sababli noma'lum muddatga safdan chiqqan edi. Bu mavsum u ortiq maydonga tushmaydi.
“Gyottse Konfederatsiyalar kubogini o'tkazib yuboradi. Marioga mashg'ulotlarga qaytishi uchun vaqt kerak. U tiklanishi va sport formasiga qaytishi zarur”, – deya Lyovning so'zlarini keltiradi Sport.de nashri.
— deya xabar beradi uff.uz nashri.