Madridning “Real” klubi “Manchester Yunayted” darvozaboni David De Xea bilan shartnoma borasida kelishuvga erishdi. Marca nashrining xabariga ko'ra, “qirollik klubi” vakillari David De Xeani “Real”da “MYu”dan kamroq maosh evaziga ham o'ynashga ko'ndirishgan. Endilikda De Xea “Real”ga o'tgan taqdirda “Manchester Yunayted”da olayotgan 12 million evro maoshini qo'lga kirita olmaydi. David De Xea kuni kecha “MYu” rahbariyati bilan uchrashuv vaqtida klubdan ketish istagi borligi haqida ogohlantirgan. Taxminlarga qaraganda, De Xea “Real” bilan 5-6 yillik shartnoma imzolaydi.
— deya xabar beradi uff.uz nashri.