"Anderlext" yarim himoyachisi Yuri Tilemans "Manchester Siti" klubi qiziqish doirasida bo'lib turibdi.
Xabar qilinishicha, "shaharliklar" 19 yoshli futbolchini mavsum oxirida o'z safiga qo'shib olishni maqsad qilgan. "Manchester Siti" yozda tarkibni kuchaytirish uchun ko'p ishlarni rejalashtirmoqda va yangi futbolchilar uchun umumiy hisobda 250 million evro sarflamoqchi.
Tilemansga shuningdek "Inter", "Monako" va "Everton" ham qiziqish bildirgan. Yarim himoyachining transferi 20 million evroga baholangan.
Tilemans Belgiya chempionatida 32 o'yinda 13 ta gol va 11 ta golli uzatmani amalga oshirgan.
— deya xabar beradi uff.uz nashri.