«Milan» darvozaboni Janluiji Donnarummaning agenti Mino Rayola milanliklar bilan tuziladigan yangi shartnomaga o'z manfaatini ko'zlab yangi band qo'shmoqchi: unga ko'ra, darvozabonning transferidan o'z foiziga ega bo'ladi. Eslatib o'tamiz, Pol Pogba «Yuventus»dan «Manches­ter Yunayted»ga o'tishida aynan shu band ish berib, agent 25 million evro ishlab olgandi. Rayola va «Milan» o'rtasidagi muzokaralar yozning oxirida o'tkazilishi rejalashtirilgan. 18 yoshli Donnarummaning «rossoneri» bilan shartnomasi 2018 yilning yozida yakuniga etadi.
— deya xabar beradi uff.uz nashri.