«Latsio»-«Napoli» o'yinining 25-daqiqasi. Jorjinodan to'pni qabul qilib olgan Mertens qarshisidagi raqibni aldab o'tib, chap qanotdan oldinga intilayotgan Gamshikka «pas» berdi. U esa yanada ilgari borib, darvozabon qarshisida turgan Kalexonga ajoyib uzatma yo'lladi. Ispaniyalik futbolchi birgina harakat bilan hisobni 0:1 shakliga keltirdi. Ikkinchi bo'limda 1 raqami 3ga o'zgardi... Mauritsio Sarri boshqarayotgan «Napoli»ning o'yini mana shunday. Himoyadan hujumga tezkorlik bilan o'tish va qisqa «pas»larning o'ta aniqligi. Deyarli «Barselona». Ammo «Yuventus» bilan o'ynagan emas, mukammal «Barselona». Darvoqe, ta'kidlab o'tish lozim, neapolliklarga qarshi o'tgan ikki o'yin «Yuve» uchun ajoyib tayyorgarlik vazifasini o'tadi va shuning uchun ham Enrike shogirdlari turinliklar tomonidan yirik hisobda mag'lub etildi. «Latsio» bilan bo'lgan o'yinda Jorjino uzatmalarning aniqligi bo'­yicha top-5 chempionatlarida rekord o'rnatdi - 151ta. «Napoli» esa to'pga egalik qilish bo'yicha «A» seriya­dagi har qanday jamoadan yaxshiroq ko'rsatkichga ega: o'rtacha 59 foiz. «Biz jamoamizga hamjihatlik bag'ishlamoqchimiz», - dedi Sarri o'yindan keyingi matbuot anjumanida. Natijalar esa chakki emas: hozirgi «Napoli»ni faollik va pressing tufayli bir lahzada tanib olish mumkin. Jamoa mudom «birinchi raqam» ostida o'ynayapti, mittigina Insine va Mertenslar esa oldingi chiziqda mo''jizalar yaratishmoqda. Umuman olganda, belgiyalik futbolchi mavsum kashfiyoti darajasiga ko'tarildi. Bu o'rinda gap faqat uning samaradorligida emas. Shunchaki, qanot hujumchisi sifatida tanilgan Mertens Milikning jarohati tufayli markazga joylashtirildi-yu, nafaqat «aldamchi to'qqiz», balki to'laqonli markaziy hujumchiga aylandi-qoldi. Avvallari tengsiz bo'lgan Milik va Pavolettilar esa endi zaxirada o'tirishibdi. Ajoyib topilma! Sarrining o'yin uslubi unchalik murakkabmas. Lekin eng muhimi, u italiyaliklarga xos konservator ham emas. U - chiniqqan teorik bo'lib, Arrigo Sakkidan ko'p narsalarni o'zlashtirgan. Qizig'i shundaki, Mauritsio murabbiylik kursisiga xuddi sevimli xobbidek qaraydi. «Men futbol o'ynaganman, ammo ochig'i, bosh­qalardan yaqqol ajralib turadigan iqtidor egasi emasdim. Shuning uchun doim murabbiylikni orzu qilardim. Qarangki, ayni paytda jon deb bepul qilishim mumkin bo'lgan ish uchun kaminaga haq to'lashmoqda». Mauritsio o'z g'oyalarini qadrlaydi, biroq ularga jon-jahdi bilan yopishib olmaydi. Deylik, sevimli 4-3-1-2 sxemasi qaysidir futbolchining yo'qligi uchun pand beradigan bo'lsa, «Napoli» darhol 4-3-3 ga o'tib oladi. Sarrini hurmat bilan «manyak» deb atashadi. Zero u DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.