“Monako” yarim himoyachisi Temue Bakayoko faoliyatini Angliyada davom ettiradigan bo'ldi. Bu haqda Frantsiyaning nufuzli nashrlari Le10Sport va L’Equipe xabar bermoqda. Manbaning xabariga ko'ra, futbolchi yozgi transferlar mavsumida APL klublaridan biriga o'tishi aniqlashtirilgan. Hozircha Bakayokoning qaysi klubga o'tishi haqida aniq ma'lumotlar keltirilmagan. Ma'lumot uchun, futbolchi xizmatlariga avvaldan “Chelsi” va “Manchester Yunayted” klublari qiziqish bildirishayotgan edi. “MYu” bosh murabbiyi Joze Mourino Bakayokoni o'z jamoasi tarkibida ko'rishga qarshi emasligini ta'kidlagan bo'lib, “qizil iblislar” “Monako”ga yarim himoyachi uchun 42 million evrodan voz kechishga tayyor.
— deya xabar beradi uff.uz nashri.