O'zbekiston terma jamoasi yarim himoyachisi to'p surayotgan “Al-Jaish” klubi Qatar Kubogi finalida afsonaviy Xavi to'p tepayotgan “Al-Sadd”ga qarshi bahs olib bordi. Mazkur o'yinda 2:1 hisobi qayd etilib, “Al-Sadd”ning g'alabasi bilan yakunlandi. O'yinning 21-daqiqasida Bag'dod Budenja hisobni ochgan bo'lsa, 38-daqiqada Sardor Rashidov muvozanatni tikladi. Bellashuvning 73-daqiqasida Jugurta Hamrun tomonidan kiritilgan gol o'yin taqdirini hal qildi va “Al-Sadd” Qatar Kubogi sohibiga aylandi. Eslatib o'tamiz, musobaqaning yarim finalida Sardor Rashidov so'nggi daqiqada kiritgan goli evaziga “Al-Jaish” mamlakat chempioni “Lahviya”ni 3:2 hisobida mag'lub qilgandi. Qatar Kubogi–2017
Final uchrashuvi
29 aprel, shanba “Al-Sadd” – “Al-Jaish” 2:1 Gollar: Bag'dod Budenja (21), Jugurta Hamrun (73) – Sardor Rashidov (38)
— deya xabar beradi uff.uz nashri.