«Dinamo» - «So'g'diyona» (2:2) uchrashuvidan keyin mezbonlar bosh murabbiyi Oleg Tyulkin ham o'yin borasida to'xtaldi. - «So'g'diyona» bilan bahs juda og'ir, jiddiy kurashlar ostida o'tishini bilardik. Chunki, Jizzax jamoasi ham biz singari kuchli ishtiyoq bilan to'p suruvchi kurashuvchan jamoa sanaladi. O'yin davomida ustunlikka erishgan bo'lsakda, g'alabani raqibga topshirib qo'yishimizga ham oz qoldi. Muxlislarning qo'llab-quvvatlashlari natijasida mag'lubiyatdan qutilib qoldik. Bugun faqat g'alabani ko'zlagan edik, ammo bir ochko bilan cheklandik. Xatolar ustida ishlaymiz. Amirjon Safarov zaxiradan maydonga tushib «dubl»ga erishdi. Yosh hujumchi o'ziga bildirilgan ishonchni sekin-asta oqlamoqda. U o'z ustida ishlashdan to'xtamasligi lozim. Uning o'sayotganligini ko'rib turibmiz. Keyingi bahslarda ham unga imkon berishda davom etamiz» - deydi Oleg Pavlovich.
— deya xabar beradi uff.uz nashri.