Ispan nashrlarida Madridning «Real» klubi muxlislari o'rtasida so'rovnoma o'tkazildi. Unga ko'ra jarohat olgan Garet Beylning o'rnida EChL yarim finalida «Atletiko»ga qarshi kim maydonga tushishni istashlari aniqlandi.
So'rovnomaga ko'ra muxlislar Iskoni ma'qul ko'rishgan. Yarim himoyachi uchun 60 foiz ishqibozlar ovoz berdi. Ikkinchi o'rinda Marko Asensio 21 foiz ovoz olgan bo'lsa, Lukas Vaskesga 6 foiz muxlis ovoz bergan.
Eslatib o'tamiz, «Real» va «Atletiko» o'rtasida dastlabki bahs 2 may sanasida bo'lib o'tadi. Javob o'yini 10 mayda o'tkazilishi lozim.
— deya xabar beradi uff.uz nashri.