Madridning "Real" klubi bosh murabbiyi Zinedin Zidan Chempionlar ligasi yarim finalida "Atletiko"ga qarshi kechadigan o'yin haqida fikr bildirdi.
"Birinchi o'yinning ahamiyati qay darajada muhim ekanini bilamiz. Faqat shu haqida o'ylamoqdamiz. Hakamning birinchi xushtagidan jangga kirishmoqchimiz. Muxlislardan bizni qo'llashni so'raymiz.
Oldingi natijalar o'tmishda qoldi. Ortga qarash kerak emas. Bizda ijobiy tajriba bor, ammo endi hammasi boshqacha bo'ladi. "Atletiko"ga qarshi o'yinda biz favorit emasmiz. Imkoniyat - ellikka, ellik.
Ertaga g'alaba qozonish uchun qo'ldan kelgan barcha ishni qilamiz. Javob o'yini haqida o'ylamayapmiz. Hamma fikr ertaga bo'ladigan bahsga qaratilgan", - deydi Zidan.
— deya xabar beradi uff.uz nashri.