O'zbekistonlik FIFA referisi Baxtiyor Namozov Bagam orollarida davom etayotgan plyaj futboli bo'yicha Jahon chempionati o'yinlaridan birini boshqardi.
Baxtiyor Namozov Polsha va Braziliya o'rtasidagi o'yinda bosh hakam vazifasini bajardi. Unga guamlik Migel Lopes hamda Solomon orollari vakili Ugo Pado yordam berdi. Vaqt nazoratchisi bo'lib Ibrohim al-Mansuriy ishladi.  Ushbu bellashuvda braziliyaliklar 7:4 hisobida g'alaba qozondi.
Avvalroq o'zbekistonlik hakam JCh doirasidagi Braziliya va Taiti (4:1) o'rtasidagi o'yinda vaqt nazoratchisi bo'lib ishlagani haqida xabar berilgandi.
Ma'lumot uchun, plyaj futboli bo'yicha Jahon chempionati 27 aprel kuni start oldi va unda 16 mamlakat terma jamoasi ishtirok etmoqda. Musobaqa 7 may kuniga qadar davom etadi.
— deya xabar beradi uff.uz nashri.