Angliya chempionatining 35-turidan o'rin olgan “Uotford” – “Liverpul” uchrashuvi o'z nihoyasiga etdi. Unda 0:1 hisobi qayd etilib, mersisaydliklarning g'alabasi bilan yakunlandi. O'yinning ilk daqiqalaridanoq Klopp shogirdlariga oson bo'lmasligini aniq bo'ldi. Boz ustiga jamoa etakchisi Koutino birinchi bo'limning 13-daqiqasidayoq maydondagi o'rnini Lallanaga bo'shatib berishga majbur bo'ldi. Shundan so'ng, “Liverpul“ tashabbusni o'z qo'liga olib, Gomes darvozasi oldida vaziyatlar yaratishga astoydil harakat qildi. 45-daqiqaga kelib Lukas Leyvaning pasidan so'ng jarima maydonchasi ichida turgan Emre Jan ajoyib qaychi usulidagi zarba bilan to'pni darvozaning to'qqiztaligiga joylab qo'ydi – 0:1. Ikkinchi bo'limda “Liverpul“da oradagi farqni oshirishga imkoniyatlar bo'ldi, lekin final hushtagiga qadar hisob boshqa o'zgarmadi. Angliya chempionati, 35-tur Uotford – Liverpul 0:1 (0:1, 0:0)
Gol: 0:1 – 45 Jan.
Uotford – Gomes, Mariappa, Predl, Britos (Kabasele, 19), Amrabat (Okaka Chuka, 85), Kapu (Saksess, 73), Dukure, Kleverli, Yanmat, Dini, Nyang.
Liverpul – Minole, Klayn, Matip, Lovren, Milner, Jan, Leyva, Veynaldum, Firmino, Origi (Starrij, 84), Koutino (Lallana, 13; Klavan, 87).
Ogohlantirishlar: Leyva (44), Predl (48), Kapu (69), Saksess (90).
— deya xabar beradi uff.uz nashri.