“Barselona” sobiq yarim himoyachisi Xavi “Tottenxem” bosh murabbiyi Maurisio Pochettino o'rtasidagi mojaro haqida o'z fikrlarini bildirdi. Eslatib o'tamiz, kuni - kecha Xavi “Manchester Siti” murabbiyi Xosep Gvardiolaga londonlik hujumchi Dele Allini sotib olishi kerakligini aytgandi. Shundan so'ng “Tottenxem” bosh murabbiyi Pochettino Xavini hazil tariqasida o'zining dushmani deb atadi. - O'zimni noqulay sezyapman. The Sun nashridagi intervyu bu – uydirma, aynan shu intervyu Pochettinoning reaktsiyasiga sabab bo'ldi. Menda umuman dushman yo'q, hatto maydonda ham bo'lmagan. Pochettino menga dushman emas. Biz u bilan “Barselona” va “Espanol”da to'p surganimizda avval ham ko'p ro'baro kelganmiz. Dushmanim (kuladi) “Tottenxem”da yaxshi ish olib bormoqda, buning natijasida ko'p hurmatga loyiqligini isobtlamoqda. Pochettinoning “Tottenxem”da qo'llayotgan uslubi butun dunyo futbol muxlislari tomonidan yaxshi kutib olinmoqda. - “Espanol”dagi tarixga qaramasdan , u “Barselona” murabbiyi bo'lishi mumkinmi? -Nega yo'q? Men o'ylaymanki bu muammo emas. “Espanol”ning ko'pchilik o'yinchi va murabbiylari “Barselona”da faoliyat olib borgan. Pochettino murabbiy bo'lishi mumkin. U Premer-Ligadagi eng kuchli murabbiylardan biri. Maurisio “Barselona” bosh murabbiyligiga ajoyib da'vogar bo'lardi” – deydi Xavi Goal.com nashriga bergan intervyusida.
— deya xabar beradi uff.uz nashri.