Madrid derbisi oldidan “qirollik klubi” sobiq futbolchisi Savio Omnisport nashriga bergan intervyusida “Real” etakchisi Krishtianu Ronalduning joriy mavsumdagi harakatlarini baholadi. “Krishtianu har mavsum muxlislarga 40-60 ta gol hadya etardi. Ammo joriy mavsum uning sport formasiga havas qilib bo'lmaydi. Uning bu natijasi albatta, tabiiy holat chunki hech qaysi futbolchi ketma – ket 7 yil sport formasini bir hilda ushlab tura olmaydi. Agar Ronalduning statistikasiga nazar tashlasak, u haqida yomon fikr bildira olmaymiz. Ishonch bilan aytaman Ronaldu yanada kuchayadi”, - deydi Savio. Ma'lumot uchun, Ronaldu joriy mavsum barcha musobaqalarda 40 marta maydonga tushib, 32 ta gol muallifiga aylangan. 
— deya xabar beradi uff.uz nashri.