Evropa Ligasi yarim final ilk bahsidan o'rin olgan «Ayaks» – «Lion» uchrashuvi o'z nihoyasiga etdi. Unda 4:1 hisobi qayd etilib, mezbonlarning g'alabasi bilan yakunlandi. Uchrashuvning 25-daqiqasida  Bertran Traore mezbonlarni oldinga olib chiqqan bo'lsa, oradan ko'p o'tmay Kasper Dolberg hisobni 2:0 ko'rinishiga keltirdi. Ikkinchi bo'lim debyutida gollandiyalik futbolchilar hisobni yirik ko'rinishga keltirdilar, bu safar Amin Yunes o'z hisobiga gol yozib qo'ydi. 66-daqiqada «Lion» hujumchisi Matyo Valbuena hisobni qichqartirishga erishdi, biroq oradan besh daqiqa o'tar-o'tmas Traore uchrashuvdagi dublini nishonladi va jamoasiga yirik hisobdagi g'alabani taqdim etdi. Ushbu jamoalar o'rtasidagi javob bahsi 11 may kuni bo'lib o'tadi. Evropa Ligasi. Yarim final, ilk uchrashuv Ayaks (Gollandiya) – Lion (Frantsiya) 4:1  Gollar: 1:0 – 25 Traore, 2:0 – 34 Dolberg, 3:0 – 49 Yunes, 3:1 – 66 Valbuena, 4:1 – 71 Traore. Ayaks – Onana, Sanches, Ridevald, Tete, Ziesh, de Ligt, Shene (van de Bek, 71), Klassen, Yunes (Klyuyvert, 79), Traore, Dolberg (Neres, 88). Lion – Antoni Lopesh, Nkulu, Morel, Jalle (Rafael, 69), Diakabi, Valbuena, Tuzar (Gezzal, 58), Korne (Lyakazett, 76), Tolisso, Fekir, Gonalon. Ogohlantirishlar: de Ligt (30), Gonalon (41), Traore (62).
— deya xabar beradi uff.uz nashri.