Xalqaro futbol federatsiyasi (FIFA) tashkilotga a'zo terma jamoalarning yangilangan reytingini e'lon qildi. Unga ko'ra, O'zbekiston milliy terma jamoasi 586 ochko bilan 60-o'rinni saqlab qoldi. O'zbekiston Osiyo futbol konfederatsiyasi (OFK)ga a'zo terma jamoalar orasida hamon 6-pog'onada bormoqda. Umuman olganda, Osiyo mintaqasida dastlabki 10 ta o'rin o'zgarishsiz qolgan. 1 (28). Eron – 820 ochko; 2 (43). Janubiy Koreya – 691 ochko; 3 (44). Yaponiya – 629 ochko; 4 (50). Avstraliya – 622 ochko; 5 (52). Saudiya Arabistoni – 610 ochko; 6 (60). O'zbekiston – 586 ochko; 7 (74). BAA– 453 ochko. 8 (80). Suriya – 426 ochko; 9 (81). Xitoy – 425; 10 (89). Qatar –369 ochko. FIFA reytingida Braziliya 1672 ochko bilan peshqadamlik qilmoqda. Ikkinchi o'rinni Argentina (1603 ochko) egallab turgan bo'lsa, uchinchi o'rindan Germaniya (1464 ochko) joy olgan. Jadvalda 4–10-o'rinlarni tegishli ravishda Chili, Kolumbiya, Frantsiya, Belgiya, Portugaliya, Shveytsariya va Ispaniya terma jamoalari egallagan.
— deya xabar beradi uff.uz nashri.