“Manchester Yunayted” klubi rahbariyati “Lester” jamoasi darvozaboni Kasper Shmeyxelni sotib olishga jiddiy bel bog'lagan. Bu haqida Sky Sports telekanali xabar tarqatdi.
Manbada aytilishicha, Daniya termasi a'zosi kelayotgan yozda “Real”ga ravona bo'lishi kutilayotgan David de Xeaning davomchisi bo'lishi mumkin.
Ta'kidlanishicha, “Manchester Siti” bilan posbon uchun kurashda “MYu”da ustunlik mavjud, chunki uning otasi Peter Shmeyxel o'g'liga “Yunayted”ga o'tishni maslahat bergan.
Ushbu mavsumda Kasper Shmeyxel barcha musobaqalarda 37 marta maydonga tushib, shulardan 13tasida darvozasidan to'p olib chiqmagan.
— deya xabar beradi uff.uz nashri.