«Inter» rahbariyati «Milan»dan darvozabon Janluiji Donnarummani sotib olish imkoniyatini ko'rib chiqmoqda. Football Italia xabariga ko'ra, 18 yoshli futbolchini «neradzurralar»ga uning shaxsiy agenti Mino Rayola tavsiya etgan. Aytishlaricha, «Inter» vakillari «Milan» rahbariyati bilan bu borada muzokaralarni boshlashgan. Ammo «rossonerlar» darvozabonni sotgan taqdirda ham, uni faqat xorij klubiga qo'yib yubormoqchilar. Aslida «Milan»ning o'zi Donnarumma bilan o'rtadagi shartnoma muddatini uzaytirish masalasida ish olib bormoqda. Uning hozirgi kelishuvi 2018 yilning yozigacha mo'ljallangan. Klubning yangi sarmoyadorlari Donnarummaga bir yillik xizmatlari uchun 3,5 million evro miqdorida maosh berishga tayyorlar. Bundan tashqari, «Jiji-2» sardorlik bog'ichini qo'lga olishi mumkin.
— deya xabar beradi uff.uz nashri.