O'zbekiston terma jamoasi sobiq hujumchisi Ja'far Irismetov Rossiyaning «Sport-ekspress» nashri uchun bergan intervyusida Moskvaning «Spartak» klubida o'tkazgan qisqa davri haqida fikr bildirdi.
- Romantsev men bilan ko'p gaplashmagan edi. Jamoadan ketish oldidan u bilan har holda uchrashishga muvaffaq bo'ldim, ammo u meni Shikunovning yoniga yubordi. Garchi jamoa bosh murabbiyi Shikunov emas, Romantsev bo'lsa ham...
Nima uchun Rossiya chempionatida meni ro'yxatdan o'tkazishgani tushunarsiz. Baribir maydonga etarlicha tushirishmagan bo'lsa. Axir Chempionlar ligasidan so'ng yaxshilikcha hayrlashish mumkin edi-ku. Boz ustiga menga qiziqish va takliflar ham bor edi. Buni aniq bilaman.
Masalan o'sha vaqtda «Keln» bilan bog'liq variant bor edi. Ular «Bavariya»ga qarshi kechgan o'yindan so'ng menga qiziqib qolishgandi. Ammo klub rahbariyati bu haqida menga hech narsa aytmadi, keyin esa kech bo'lgandi. O'zbekiston terma jamoasi bilan Germaniyaga borganimda nima uchun «Keln»ning taklifini qabul qilmaganimni so'rashgan. Men esa bu haqida hech narsa eshitmaganman. Demak taqdir shunday ekan, - deydi Irismetov.
— deya xabar beradi uff.uz nashri.