“Nasaf” – “Neftchi” uchrashuvi yakuniga etkach, “Neftchi” jamoasi ustozi Andrey Fyodorov o'yin haqida quyidagi fikrlarni bildirdi.
- Jamoamiz uchrashuvda yutqazgan bo'lsada yaxshi o'yin namoyish etdi. Futbolchilarimizning bugungi ko'rsatgan o'yini menga yoqdi. Ular hisobga qaramasdan maydonda yaxshi harakat qilishdi. Bor kuchlarini berishdi. Bugun jamoamiz katta ishtiyoq bilan harakat qilishdi, hayajon ham bo'ldi, bu orqali ular xatolarga ham yo'l qo'yishdi. Ammo yana takror aytaman, bugun jamoamning ko'rsatgan o'yini menga yoqdi.
Sherzod Hakimov jarohati tufayli bizga yordam bera olmayotgan edi. U keyingi vaqtlarda yana o'zini tiklab, bizga yordam bera boshladi. O'ylaymanki, u  keyingi o'yinlarda maydonda to'liq harakat qila oladi.
Abdumavlon Abduljalilov “Paxtakor” klubining tarbiyalanuvchisi hisoblanadi, u keyingi uch mavsumda bizning jamoamiz tarkibida o'ynayapti. Men uning kelajagi porloq deb, hisoblayman. Darvozabonimiz bugun ham yaxshi o'yin ko'rsatdi.
“Neftchi”ning bu yilgi muvaffaqiyatsizliklariga sabab? Jamoamizning ko'rsatayotgan o'yini borasida yomon emas. Ammo vaziyatlarni golga aylantirishda biroz oqsayapmiz. Menimcha bu o'tkinchi holat. Kamchiliklar ustida ishlayapmiz. O'ylaymanki, biz albatta kerakli ochkolarni qo'lga kiritamiz.
— deya xabar beradi uff.uz nashri.