Angliya chempionati 36-turidan o'rin olgan «Liverpul» – «Sautgempton» uchrashuvi o'z nihoyasiga etdi. Unda jamoalar murosa yo'lini tanladilar. «Enfild» mezbonligida o'tgan uchrashuvda ikki jamoa ham darvozalarga yo'l topa bilmadilar. Ikkinchi bo'limning yarmida hakam mehmonlar darvozasi tomon penalti belgiladi, biroq Jeyms Milnerning zarbasini mehmonlar posboni Freyzer Forster qaytirishga erishdi. E'tiborlisi, Milner 7 yil degan ilk bor penaltini aniq amalga oshira olmadi. Hozirda «Liverpul» (70 ochko) APL jadvalida uchinchi o'rinda bormoqda. Agar Manchester jamoalari o'z zaxira o'yinlarini ijobiy hal qila olsalar, «Liverpul» beshinchi o'ringa tushib ketishi mumkin. Angliya chempionati 36-tur Liverpul – Sautgempton 0:0 (0:0, 0:0) Liverpul – Minole, Lovren, Matip, Klayn, Milner, Djan, Veynaldum (Gruyich, 87), Koutino, Leyva (Lallana, 69), Firmino, Origi (Starridj, 69). Sautgempton – Forster, Stivens, Bertran, Soaresh, Yosida, Tadich, Uord-Prouz, Bufal (Redmond, 60), Devis, Gabbyadini (Long, 69), Romeu. Ogohlantirishlar: Soaresh (65), Uord-Prouz (65), Lovren (89), Bertran (90).
— deya xabar beradi uff.uz nashri.