Angliya chempionatining 36-turidan o'rin olgan "Arsenal" hamda "Manchester Yunayted" klublari o'rtasidagi uchrashuv nihoyasiga etdi. Unda 2:0 hisobi qayd etilib, "to'pchilar"ning g'alabasi bilan yakunlandi.
Tomonlar birinchi bo'limda darvoza dahlsizligini saqlab qola olishdi. Ikkala gol ham ikkinchi bo'limda kiritildi. Uchrashuvning 54-daqiqasida londonliklarning hujumi o'z samarasini berdi, Granit Jakaning zarbasidan so'ng to'p rikoshet orqali David De Xea darvozasidan joy oldi. Oradan uch daqiqa o'tar-o'tmas Deni Uelbek sobiq jamoasi darvozasini ishg'ol etdi va «Arsenal»ga uch ochko keltirgan gollarning biriga muallif bo'ldi.
Garchi, bu g'alaba "Arsenal" uchun hech qanday ahamiyatga ega bo'lmasada, futbolchilar grand jamoaga qarshi o'ynay olishlarini isbotlashdi.
Angliya chempionati, 36-tur
Arsenal – Manchester Yunayted 2:0
Gollar: 1:0 – 54 Jaka, 2:0 – 57 Uelbek.
Arsenal – Chex, Koselni, Monreal, Gibbs, Xolding, Remzi, Oksleyd-Chemberlen, O'zil, Jaka (Koklen, 76), Sanches, Uelbek.
Manchester Yunayted – De Xea, Djons, Darmian, Tuanzebe, Smolling, Mxitaryan (Lingard, 61), Kerrik, Errera (Reshford, 63), Mata, Marsyal, Runi.
Ogohlantirish: Koselni (67).
— deya xabar beradi uff.uz nashri.