1news.uz — Bir necha kun davomida 9 may Xotira va Qadrlash kuni munosabati bilan Andijon viloyatimidagi harbiy qismlar va huquqni muxofaza qilish idoralari maxsus bo'limlaridan iborat jamoalar o'rtasida xizmat uchkurashi viloyat chempionati bo'lib o'tdi. Unda sportning suzish, yugurish, o'q otish turlari bo'yicha sportchilar birinchilik uchun o'zaro kurash olib bordilar. Musobaqalar yakuniga ko'ra 100 metrga erkin usulda suzish bo'yicha Rasuljon Abduraimov, 1000 metrga yugurish bo'yicha Yoqubjon Qobilov, 3000 metrga yugurish bo'yicha Shohruh Sultonov, o'q otish bo'yicha Komiljon Ahmedov hamda jamoalar o'rtasida arqon tortish bo'yicha viloyat ichki ishlar boshqarmasi alohida vazifalarni bajaruvchi safarbarlik otryadi birinchi o'rinni, xizmat uchkurashi musobaqalarining yakuni bo'yicha shaxsiy birinchilikni Abduvohid Aliboev qo'lga kiritdilar. Bugun olimpiya zahiralari kollejida bo'lib o'tgan taqdirlash marosimida g'olib va sovrindorlarga tashkilotchilarning diplom, medal va qimmatbaho sovg'alari viloyat hokimi Shuxratbek Abdurahmonov hamda tashrif buyurgan mehmonlar tomonidan tantanali tarzda topshirildi. Taqdirlash marosimi yakunida so'zga chiqqan viloyat hokimi mamlakatimizda sportga qaratilayotgan e'tibor, yaratilayotgan shart-sharoit va imkoniyatlar, sportchilarning erishayotgan muvaffaqiyatlari haqida gapirib, kelgusida yanada ulkan marralarni zabt etishlarida omad tiladi. Shundan so'ng viloyat hokimi Sh.Abdurahmonov tadbirda ishtirok etgan Andijon farzandi, boks bo'yicha jahon chempioni Ruslan Chagaevga milliy to'n va do'ppi kiydirdi. Xabarning tafsilotlari bilan 1news.uz saytida ushbu havola orqali tanishishingiz mumkin.
— deya xabar beradi uff.uz nashri.