Madridning “Real” klubi har yili Adidas kompaniyasidan 100 million evro olib turadi, deya xabar beradi der Spiegel nashri.
Tomonlar 2015 yili 10 yil muddatga shartnoma imzolagan. Bu har mavsum uchun 70 million evroni tashkil qiladi. Qolgan mablag' “Real”ning turli sotuvlaridan tushadi.
Bundan tashqari, “Real” qo'lga kiritgan sovrinlar uchun ham mukofot pullarini olishadi. Masalan, har bir chempionlik klub xazinasini yana 2,5 million evroga to'ldiradi.
Shartnoma bo'yicha, Adidas chempionlik paradlari o'tkazish eksklyuziv huquqlarini qo'lga kiritadi. Shuningdek, Sibeles favvorasi oldidagi turli marosimlarni ham bunga kiradi. Aynan o'sha erda "Real" muhim g'alabalarini nishonlaydi.
— deya xabar beradi uff.uz nashri.