“Everton”ning belgiyalik hujumchisi Romelu Lukakuning mavsum so'nggida o'zining sobiq klubi “Chelsi” tarkibiga qaytishi haqida xabarlar tarqalgandi. Jumladan, Angliyaning nufuzli OAVlari futbolchining ishonch bilan keyingi mavsumni “Stemford Brij”da boshlashi haqida taxmin qilishmoqda. Ammo Lukakuning aytishicha “Chelsi” bosh murabbiyi Antonio Konte qo'llayotgan uslub unga to'g'ri kelmaydi. The Sun nashrining xabariga ko'ra, Lukaku kelasi mavsumni qaysi jamoada boshlashidan qat'iy nazar Evropa Chempionlar ligasi musobaqasida ishtirok etmoqchi. Agar, “Manchester Yunayted” EChLga yo'l olgudek bo'lsa, Romelu manchesterliklar taklifini ko'rib chiqishga tayyorligini o'z agentiga bildirib o'tgan. Ma'lumot uchun, Romelu Lukaku joriy mavsum APLda 24 ta gol urib, musobaqaning eng yaxshi to'purari bo'lib turibdi.
— deya xabar beradi uff.uz nashri.