Ertaga, 9 may kuni Osiyo chempionlar ligasining "A" guruhi, 6-turidan o'rin olgan "Al Ahli" (Dubay) - "Lokomotiv" (Toshkent) uchrashuvi bo'lib o'tadi. Ayni paytda "Lokomotiv" vakillari Dubayda bo'lib turishibdi. Bugun o'yindan oldingi matbuot anjumani tashkil etildi. Matbuot anjumanining ikkinchi qismida "Al Ahli" bosh murabbiyi Kocmin Olariu va darvozabon Majid Nasir savollarga javob qaytarishdi. Kocmin Olariu: - Muhim bir pallada turibmiz. Ertangi o'yin qanday o'tishini bilmadim-u, lekin biz guruhdan chiqishga haqlimiz. Buni avvalgi o'yinlarda ham isbotladik. Men futbolchilarimga ishonaman, ular keyingi bosqich masalasini hal eta olishadi. Hozircha 8 ochko to'pladik, ikki yil oldin ham shuncha ochko to'plab guruhdan chiqqandik. Lekin bu yil nima bo'lishini bilmayman. O'ylaymanki, bizda gol urish imkoniyat bo'ladi va bundan foydalanamiz. Toshkentdagi bahsda yaxshi hrakat qila olmagandik. U erda o'yinni 1:0dan boshlab, qolaversa Asamoa Gyan jarohat olib maydonni tark etgandi. Lekin ertaga bunday bo'lmaydi deb umid qilaman. Oxirgi uchta o'yinni durang bilan yakunladik. Nima uchun? Chunki biz oxirgi uch o'yinda uch ochkoni qo'lga kiritishni xohlagandik va buni uddaladik. Albatta, bu hazil. Majid Nasir: - O'z muxlislarimiz qarshisida yutqazib qo'yishni xohlamaymiz. Maqsadimiz - ertaga ijobiy natija qayd etib, keyingi bosqichga chiqish.
— deya xabar beradi uff.uz nashri.