Evropa Chempionlar ligasi musoboqasining yarim final javob bahsidan o'rin olgan «Yuventus» – «Monako» uchrashuvi o'z nihoyasiga etdi. Unda 2:1 hisobi qayd etilib, turinliklarning g'alabasi bilan tugadi. Uchrashuvning 33-daqiqasi o'tib borayotgan bir vaqtda Dani Alves to'pni jarima maydonchasi ichiga uzatdi, himoyachilardan ilgarilab ketgan Mario Manjukich to'pga jarba berdi, biroq uning zarbasini darvozabon qaytarishga erishdi. Takroriy yo'llangan zarbadan so'ng hisob ochildi. Birinchi bo'lim so'nggida mezbonlar burchak zarbasini ijro etdilar, uzatilgan zarbani darvozabon qaytarib yubordi. Qaytgan to'pga Dani Alves chamasi 18 metrlardan to'xtatib o'tirmay zarba berdi va o'yinni bezagan gol muallifiga aylandi. Ikkinchi bo'limning o'rtalariga kelib monakoliklar hisobni qisqartirishga erishdilar. Gol muallifi – Kilian Mbappe. Shu tariqa «Yuventus» ikki o'yin natijasiga ko'ra Kariffga yo'l oladigan bo'ldi va finaldagi raqibini ertangi o'yindan so'ng bilib oladi. EChL Yarim final, javob uchrashuvi Yuventus (Italiya) – Monako (Monako) 2:1  Gollar: 1:0 – 33 Mandjukich, 2:0 – 44 Dani Alves, 2:1 – 69 Mbappe. Yuventus – Buffon, Bonuchchi, Kellini, Aleks Sandro, Bardzali (Benatiya, 85), Pyanich, Xedira (Markizio, 10), Dani Alves, Mandjukich, Dibala (Kuadrado, 54), Iguain. Monako – Subashich, Jemerson, Glik, Sidibe, Mendi (Fabino, 55), Bernardu Silva (Lemar, 69), Moutinyu, Mbappe, Bakayoko (Jermen, 78), Radji, Falkao. Ogohlantirishlar: Falkao (40), Mendi (51), Bonuchchi (74). Ilk uchrashuv: 2:0
— deya xabar beradi uff.uz nashri.