Chempionlar ligasining ushbu bosqichi «Real» uchun omadliroq sanaladi va ayni damdagi vaziyat ham Qirollik klubining «Visente Kalderon»da muvaffaqiyatga erishishiga ishora qilmoqda. Ispaniyaning mashxur nashri Marca Kardiffga «Atletiko» emas aynan «Real» borishini isbotlovchi ettita sababni ko'rsatib o'tdi. 1. Natija «Santyago Bernabeu»da qayd etilgan 3:0 hisobidagi g'alabaning o'zi «Madrid»ni bir oyog'i bilan Kardiffda ekanligiga ishontirmoqda. 2. Krishtiano Ronalduning «matraschilar»ga qarshi o'yinlardagi yuqori formasi Portugaliyalik futbolchi o'tgan ikki derbida oltita gol kiritishga erishdi. Bu esa «blankos»ning safarda hech bo'lmasa yana bitta gol kirita olishiga ishontiradi, agar bu holat yuz bersa maydon egalariga beshta gol kerak bo'ladi. 3. Madridning «Real» klubi ketma-ket 60 o'yindan beri gol kiritmoqda Qirollik klubi Zinedin Zidan jamoaga kelganidan beri deyarli har bir uchrashuvda gol urmoqda, ertangi o'yindagi mehmonlarning bitta goli o'yin masalasini hal qilib qo'yishi mumkin. 4. Jamoaning safar o'yinlaridagi ajoyib formasi Boshqa jamoalar ko'pincha safar uchrashuvlarida qiyinchilikka duch keladilar, ammo bu borada «qaymoqranglilar»da hech qanday muammo yo'q. 5. Sinalgan asosiy tarkib «Madrid»ning hozirgi tarkibi kuchli ishtiyoq va yuqori tajribaga ega, hamda «Kalderon»da yuzaga keladigan bosimga bemalol dosh bera oladi. 6. Ruhiy ustunlik EChL bahslari jamoalarga juda katta bosim yuklaydi, Lissabon va Milandagi finallar «Atletiko»ning qalbida chuqur jarohat qoldirgan. 7. «Real»ning tarkibi tetik futbolchilarga to'la Zidan derbi oldidan ko'pgina etakchilarga dam olish imkoniyatini yaratib berdi, Simeone jamoasida esa boshqacha holat. «Atletiko»ga butun o'yin davomida bosim uyushtirish juda qiyin bo'ladi.
— deya xabar beradi uff.uz nashri.