Shu vaqtga qadar millionlar o'yini ishqibozlarini hayajonga solib kelgan musobaqa — Evropa Chempionlar ligasi ham yakuniy pallaga yaqinlashdi. Oldinda bizni faqat final o'yini kutib turibdi. Mazkur o'yinda, 3 iyun kuni Uelsning Kardiff shahri mezbonlik qiladigan matchda Turinning “Yuventus” va Madridning “Real” jamoalari ushbu mavsumning eng muhim sovrinini qo'lga kiritish uchun kurash olib borishadi. Ayni damda mazkur jamoalarning imkoniyatlari qay darajada? Qay bir jamoa qaysi jihati bilan ustun? Quyida ana shu haqda fikr yuritamiz.
DARVOZA ChIZIG'I — IMKONIYaTLAR TENG!
Har ikkala klub ham o'zining darvozabonlari bilan faxrlansa arziydi. Ayniqsa, “Yuventus”. Ayni damda 39 yillik dovonni bosib o'tgan Janluiji Buffonga yoshi aslo xalal berayotgani yo'q. U shunchalik shijoat bilan o'ynayaptiki, hatto “Evropa Chempionlar ligasida “Barselona”ni mag'lub etsak, faoliyatimni yakunlayman!” degan qarorini ham o'zgartirdi. Endi uning oxirgi marrasi Rossiyada bo'lib o'tadigan jahon chempionatidir. Buffon bunga munosib, chunki uning musobaqa yarim finalida “Monako”ga qarshi o'yinini ko'rib, qayta yosharayotganiga amin bo'ldik. Agar frantsuz klubiga qarshi kechgan javob o'yinida darvozasidan gol o'tkazib yubormaganida, Buffon quruq o'yinlar seriyasi bo'yicha rekordni yangilagan bo'lardi. Shundoq ham “Yuventus” posboni 690 daqiqa o'z darvozasidan to'p o'tkazmadi. Bu esa ayrim yosh darvozabonlar uchun o'rnak va havas qilgulik natijadir. Buffon finalda ham xuddi shunday o'yin ko'rsatishiga ishonamiz.
Hozirda ketma-ket tanqid qilinayotgan Keylor Navas ham, aslida, mahoratli darvozabon. “Bavariya” va “Atletiko”ning mag'lub etilishida mazkur posbonning hissasi katta. Xususan, Simeone shogirdlariga qarshi kechgan javob o'yinida mezbonlarning 7 ta zarbasi aniq borgan. Navas shularning beshtasini qaytara oldi. Agar ayrim vaziyatlarda aynan Navasning mahorati bo'lmaganida, “qirollik klubi” juda qiyin vaziyatda qolgan bo'lardi. To'g'ri, Keylorning statistikasi Buffonnikidek bekamu ko'st emas, “Real” deyarli har bir o'yinda darvozasidan to'p olib chiqmoqda. Ammo bu faqat Keylorga bog'liq holat emas, bu erda himoya chizig'ining ham etarlicha aybi bor. Ishonamizki, Keylor Navas Kardiffdagi o'yinda ham bor mahoratini ishga soladi.
HIMOYa ChIZIG'I — USTUNLIK TURINLIKLARDA
Albatta, ayni damda “Yuventus” himoyasi eng mustahkam jamoalardan biri. Aleks Sandro, Bonuchchi, Barzagli, Kellini, Alves — bu futbolchilar himoya chizig'ining haqiqiy qalqonlari hisoblanadi. Bu borada Allegrida tanlash imkoniyati yaxshiroq, u yuqoridagi futbolchilardan to'rttasini tanlab, bittasini zaxiraga olib qo'yishi, bu bilan zaxirada ham bitta kuchli himoyachi bo'lishini ta'minlashi mumkin. Qolaversa, Lixtshtayner ham yaxshi himoyachilar sirasiga kiradi. Turin klubining himoyachilari o'zlariga biriktirilgan vazifani ajoyib darajada uddalashyapti — “Barselona” va “Monako”ga hech qanday imkoniyat qoldirishmadi. Aslida, Buffonning kam gol o'tkazayotganiga ham qaysidir ma'noda mana shu himoyachilarning ishonchli o'yini sabab bo'lmoqda. Qolaversa, Massimiliano Allegri himoyachilaridan yarim himoya va hujum chizig'ida ham foydalana oladi. Fikrimizni birgina Dani Alvesning o'zi isbotlaydi, u “Monako”ga qarshi javob o'yinida hujumchilik borasidagi iqtidorini ko'rsata oldi. Shu boisdan bir narsa aniqki, final o'yinida Ronaldu va uning jamoadoshlari uchun raqib darvozasini ishg'ol qilish juda katta mashaqqatga aylanadi.“Real”da esa ayni damda himoya chizig'ida muammolar etarlicha. Ayni damda Zidan to'liq ishonishi mumkin bo'lgan ikkita himoyachi bor, xolos, bular Marselo bilan Ramos. Yana bir himoyachi — Karvaxal esa jarohat olgan. Ma'lumotlarga tayanadigan bo'lsak, u final o'yinida ishtirok etadi. Ammo jarohatdan endigina qutulgan futbolchining qanday formada bo'lishi o'zingizga ma'lum. Har holda jarohatidan endigina tuzalgan Garet Beylni darrov maydonga tushirib, pand egan Zidan Karvaxalni asosiy tarkibda maydonga tushirmas, yana kim biladi. Nacho bilan Danilo esa to'liq ishonch bildirish mumkin bo'lgan futbolchilar sirasiga qo'shilgani yo'q.  DAVOMI
— deya xabar beradi uff.uz nashri.