Evropa Ligasining yarim finalidan o'ring olgan “Lion” hamda “Ayaks” klublari o'rtasidagi uchrashuv yakuniga etdi. Unda mezbonlar 3:1 hisobida g'alaba qozonishdi. Ammo “Ayaks” Gollandiyada o'tgan birinchi uchrashuv natijasiga ko'ra finalga yo'l oldi. Uchrashuvda birinchi bo'lib mehmonlar hisobni 27 daqiqada ochishdi. Ammo ketma-ket hujumlar uyushtirgan “Lion” futbolchilaridan Aleksandr Lyakazett dubl va Rashid Gezzalning gollari jamoalariga g'alabani taqdim etdi. Tan olish lozim, “Lion” bugun g'alabaga loyiq o'yin ko'rsatdi, ammo frantsiyaliklarga oradagi muvozanatni tenglashtirish uchun bitta golga etadigan vaqt kamlik qildi. Shu tariqa, “Ayaks” Evropa Ligasining dastlabki finalchisiga aylandi. “Lion” – “Ayaks” - 3:1 (2:1) Gollar: 0:1 – 27 Dolberg, 1:1 – 45, penalti Lyakazett, 2:1 – 45 Lyakazett, 3:1 – 81 Gezzal. “Lion”: Antoni Lopesh, Nkulu, Morel (Riibus, 74), Rafael, Diakabi, Valbuena (Gezzal, 77), Gonalon, Korne, Tolisso, Fekir, Lyakazett. Ayaks: Onana, Sanches, Virgever, Veltman (Tete, 65), Klassen, de Ligt, Shene (van de Bek, 59), Ziesh, Yunes (Klyuyvert, 82), Traore, Dolberg. Ogohlantirishlar: Morel (18), Tolisso (19), Diakabi (49), Veltman (49), Klassen (50), Nkulu (61), Fekir (61), Virgever (68). Chetlatish: Virgever (84). Dastlabki uchrashuv: 1:4
— deya xabar beradi uff.uz nashri.