Angliyaning “Manchester Yunayted” klubi yarim himoyachisi Maruan Fellayni Evropa Ligasining haftadagi eng yaxshi futbolchisi sifatida e'tirof etildi. Bu haqda UEFA rasmiy sayti xabar bermoqda. Eslatib o'tamiz, Maruan kecha musobaqa yarim finalidan o'rin olgan “Selta”ga qarshi uchrashuvda “Manchester Yunayted”ni hisobda oldinga olib chiqqandi. “Qizil iblislar” uchrashuvni durang (1:1) natijada yakunlagan bo'lishsada, birinchi o'yin natijasiga ko'ra, musobaqa finaliga yo'l olishdi. UEFA tashkiloti o'tkazgan so'rovnomada Fellayni 60 foiz ovoz jamlagan bo'lsa, uning raqibi “Lion” hujumchisi Aleksandr Lyakazett 40 foiz ovoz to'pladi.
— deya xabar beradi uff.uz nashri.