Londonning «Chelsi» klubi muddatidan avval chempionlikni rasmiylashtirdi. Antonio Konte shogirdlari Angliya chempionati 37-turida «Vest Bromvich»ga qarshi maydonga tushdi va  1:0 hisobida g'alabaga erishdi.
Uchrashuvda yagona gol 82-daqiqada Batshuayi tomonidan kiritildi. Shu tariqa «Chelsi» hisobidagi ochkolar soni 36 o'yinda 87 taga etdi va «Tottenxem»dan 10 ochkoga o'zib ketdi. «Tottenxem» mavsumda yana uchta o'yin o'tkaishi lozim.
Eslatib o'tamiz, «Chelsi» hisobidagi chempionlik oltitaga etdi. Jamoa 1954/55, 2004/05, 2005/06, 2009/10, 2014/15, 2016/17 yilgi mavsumlarda g'oliblikni qo'lga kiritgan.
Angliya chempionati
37-tur
Vest Bromvich – Chelsi 0:1 (0:0, 0:1)
Gol:  0:1 – 82 Batshuayi.
Vest Bromvich – Foster, Douson, Makoli (Uilson, 64), Evans, Nom, Fletcher, Brant, Livermor, Fild (Yakob, 51), Makkleyn (Shadli, 59), Rondon.
Chelsi – Kurtua, Aspilikueta, David Luiz, Keyxill, Mozes (Zuma, 86), Fabregas, Matich, Alonso, Pedro (Batshuayi, 76), Azar (Villian, 75), Diego Kosta.
Ogohlantirishlar:  Makkleyn (20), Fild (36), Uilson (71).


— deya xabar beradi uff.uz nashri.