22-mavsum
Chempionlar kubogining 22-mavsumi 1976-yilning 15-sentyabridan, 1977-yilning 25-mayiga qadar o'tkazildi.
Ishtirokchilar
Ishtirokchi jamoalar soni o'tgan yilgi singari 22 tani tashkil qildi.
O'yinlar va gollar
O'tkazilgan 59 ta o'yinda darvozalar 155 marta ishg'ol qilingan. Har bir o'yinda o'rtacha 2,63 tadan gol kiritilgan.
“Taxt”da “Liverpul”
Angliyaning “Liverpul” jamoasi o'z tarixida ilk marotaba Chempionlar kubogida muvaffaqiyat qozondi. Inglizlar musobaqa davomida Shimoliy Irlandiya, Turkiya, Frantsiya, Shveytsariya va Germaniya chempionlarini mag'lub etib chempionlikni tantana qildi.
Finalda “Borussiya”. Lekin Dortmund emas
Myonxengladbaxning “Borussiya” jamoasi o'sha mavsumda ajoyib o'yinlar namoyish etib finalga qadar etib kelgan edi. Nemis klubi musobaqa davomida Avstriya, Chexoslavakiya, Belgiya va Sobiq Ittifoq termalarini taslim qilib hal qiluvchi o'yinga qadar etib kelgan edi. Biroq ularga “Liverpul”ni taslim etish nasib etmadi va shu tariqa klub kumush medullar bilan cheklanishga majbur bo'ldi.
Dinamo Kiev yarim finalda
Sobiq Ittifoq chempioni Kievning “Dinamo”si turnir davomida “Partizan”, PAOK va amaldagi chempion “Bavariya”ni mag'lub etgan holda yarim finalga qadar etib keldi. Jamoa finalga chiqish uchun juda yaxshi imkoniyatga ega edi. Biroq Kievda kichik hisobda g'alaba qozongan klub, Myonxengladbaxda ana shu ustunlikni saqlab qola olmadi va turnirni tark etdi.
“Bavariya” “taxt”dan quladi
Myunxenning “Bavariya” jamoasi ketma-ket uch mavsum davomida Chempionlar kubogi sovrinini begona qilmay kelayotgan edi. Ammo ushbu mavsumda klub turnirni chorak finaldayoq yakunlashga majbur bo'ldi. “FK Gollivud”ni Sobiq Ittifoqning “Dinamo” Kiev jamoasi yo'ldan olib tashladi va klubni “taxt”dan ag'dardi.
“Real” favorit edi
Musobaqaning 5 karra g'olibi Madridning “Real” jamoasi favoritlar safida e'tirof etilayotgan edi. Biroq “Qirollik klubi” ikkinchi bosqichdayoq Belgiya chempioniga imkoniyatni boy berib, turnir bilan xayrlashdi.
Davomi Furkat.Uz blogida.
— deya xabar beradi uff.uz nashri.