«Liverpul» bosh murabbiyi Yurgen Klopp mersisaydliklar hujumchisi Deniel Starrij haqida fikr bildirdi. Hujumchi uzoq davom etgan jarohatdan tuzalib, nihoyat «Vest Xem»ga qarshi maydonga tushishi mumkin.

- Men Starrijga bir soniya ham shubha qilmaganman. Uning jarohati barchamiz uchun omadsizlik bo'ldi. u hal qiluvchi lahzalarda biz bilan bo'lmadi. Bu uning aybi emas, mening aybim emas - vaziyat taqozosidir.

Men unga yuz foiz ishonaman. U iqtidorli futbolchi va fantastik hujumchi, - deydi Klopp.

Starrij joriy mavsum davomida besh marta jarohat olib, umumiy hisobda 82 kun maydonga tusha olmadi. 
— deya xabar beradi uff.uz nashri.