Madridning «Real» klubi hujumchisi Alvaro Morata yozda «Chelsi»ga o'tishi mumkinligi aytilmoqda.
Xabar qilinishicha, Ispaniya terma jamoasining 24 yoshli hujumchisi «Chelsi» klubi futbolchilarining instagramdagi sahifasiga a'zo bo'lgan. Xususan Eden Azar, Diego Kosta, Villian, Tibo Kurtua va Fransesk Fabregaslarning sahifasini kuzatib bormoqda. Bu esa futbolchining «Chelsi»ga o'tish istagida ekaniga ishora bo'lishi mumkin.
Biroz vaqt muqaddam Morataning rafiqasi Angliyadan uy qidirayotgani aytilgan edi. Hujumchiga «Chelsi», «MYu» va «Arsenal»dan qiziqish bor.
Morata katta ehtimol bilan yozda «Real»dan ketishi kutilmoqda. Hujumchi madridliklar safida etarlicha o'yin amaliyotiga ega bo'lmayotganidan norozi.    
— deya xabar beradi uff.uz nashri.