Madridning «Real» klubi Ispaniya chempionatining 37-turidan o'rin olgan uchrashuvda «Sevilya»ni (4:1) mag'lub etdi. Ushbu bahsning 61-daqiqasida mezbonlar yarim himoyachisi Xames Rodriges bosh murabbiy Zinedin Zidan tomonidan almashtirildi. Xames maydonni tark etar ekan, biroz vaqt to'xtadi va stadionning har bir tomoniga qarab, muxlislar bilan uzoq vaqt xayrlashdi. O'z navbatida butun stadion uni olqishlar bilan kuzatib qo'ydi. Onda Cero radiostantsiyasining tarqatgan xabarlariga ko'ra, Xames ushbu stadiondagi so'nggi o'yinini o'tkazgan va mavsum oxirida jamoani tark etadi.
— deya xabar beradi uff.uz nashri.