“Milan” klubi rahbariyati yozgi transferlar mavsumi vaqtida “Fiorentina” jamoasi hujumchisi Nikola Kalinichni sotib olmoqchi. Karlos Bakka Vinchentso Montellaning rejalariga kirmagani tufayli, klub yozda yangi markaziy hujumchi sotib olmoqchi. “Rossonerilar” uchun asosiy maqsad “Real” hujumchisi Alvaro Morata bo'lib turgandi, biroq madridliklar o'yinchi uchun 70 million evro talab qilayotganliklari tufayli, bu transferning ehtimoli past baholanmoqda. Shu sababli “Milan” o'z e'tiborini Kalinichga qaratgan. U bilan yanvarda Xitoyning “Tyanzin Tsuanzyan” klubi jiddiy tarzda qiziqqandi, biroq Kalanich bu taklif rad etdi. Xorvatiyalik o'yinchining shartnomasida ko'rsatilgan tovon puli 50 million evroni tashkil qiladi, biroq, “binafshalar” uni taxminan 35 millionga qo'yib yuboradilar.
— deya xabar beradi uff.uz nashri.