Madridning "Real" klubi hujumchisi Benzema "Lion" yarim himoyachisi Mate Valbuena bilan bog'liq mojaro haqida so'zlab o'tdi. Eslatib o'tamiz, Benzema bir yarim yil muqaddam Valbuenaga qarshi ta'magirlik va tovlamachilik qilishda ayblangan edi.Oqibatda u Frantsiya terma jamoasidan chetlatilgan.
"Hammasi shu ishdan boshlandi. Biz hamma haqiqatni ham bilmaymiz. Eng kulgulisi esa, shuncha gap so'zlardan so'ng u mendan xafa emasligi va birga to'p surishga qarshimasligini aytibdi. Menimcha uning aqli joyida emas. Umuman, avvaldan joyida bo'lmagan. Uning aytishi bo'yicha men bosqinchi bo'lganman, unga xuruj qilganman. Endi esa birga o'ynashga qarshi emas ekan!
Uning aytishicha men janjalga aralashib qolishimni bilganida sudga murojaat qilmagan bo'lardi. Nima, u aqldan ozganmi? Men bir yarim yil davomida uning uchun dushman bo'lib keldim, yoshlarga o'rnak bo'la olmaydigan daydi edim va meni qamoqqa olishlari shart edi. Odamlar mening nomimni qoraga chiqarib bo'lishgan.
Deyarli ikki yildan buyon eng yaxshi do'stim Zenati bilan (u ham Valbuena ishiga aloqadorlikda ayblangan) ko'risha olmayman. Chunki ko'rishsak bo'lgani, ikkimiz ham qamoqqa tushamiz. Valbuena esa dam olib, rohatlanib yuribdi. U endi bunday bo'lmag'ur gaplarni aytmasa bo'lardi", - deydi Benzema.
— deya xabar beradi uff.uz nashri.