"Manchester Siti" himoyachisi Pablo Sabaletaning klub bilan shartnomasi yakuniga etdi va futbolchi jamoadan ketishi oldidan fikrlarini bildirib o'tdi.
"Men uchun Premer ligada to'p surish futbolchi va futbolni yaxshi ko'radigan inson sifatida haqiqiy orzu edi. Bu erga kelish oldidan sevgilimga - u hozir mening rafiqam - meni Manchesterga qo'yib yuborishini va 3-4 yilda qaytishni va'da bergan edim. Ammo undan uzr so'rashim lozim, bu erda 9 yil qolib ketdim.
Mening eng sevimli lahzalarim - Angliya Kubogi yarim finalida "MYu"ni mag'lub etganimiz va Serxio Agueroning golidan so'ng Premer ligada g'olib chiqqanimiz. Muxlislar buni juda uzoq kutishdi va biz "Siti" uslubida g'alabalarga erishdik", - deydi Sabaleta.
— deya xabar beradi uff.uz nashri.