Ayni vaqtda "Venetsiya" jamoasini boshqarayotgan "Milan" klubi sobiq hujumchisi va bosh murabbiyi Filippo Inzagi ukasi Simone Inzagining murabbiylik mahoratiga yuqori baho berdi. Simone Inzagi "Latsio" klubini boshqarib kelmoqda.
"Biz har doim muloqotda bo'lamiz, kun davomida bir necha bor gaplashib olamiz. Va har doim mavzu futbol bo'ladi.

Men unga quloq solaman, chunki murabbiy sifatida u kuchliroq. Ha, Simone mendan avvalroq boshladi, u "Latsio" akademiyasida ishladi, men esa o'ynashda davom etdim.
Ukamdagi ishtiyoqni ko'rganim uchun ham murabbiylik yo'lidan ketdim. U avval ham o'zini ko'rsatgan edi, ammo bu yil Simone darhaqiqat kuchli ekanini isbotlamoqda. U Italiya Kubogi finalida "Yuventus"ni mag'lub eta oladi", - deydi Inzagi.
— deya xabar beradi uff.uz nashri.