Rotterdamning “Feyenoord” klubi yarim himoyachisi Dirk Kyuyt mavsum yakuniga etgach futbolchilik faoliyatini yakunlaydi. Bu haqda golland klubi matbuot xizmati xabar bermoqda. Avvalloq 36 yoshli futbolchi jamoa bilan shartnomasini uzaytirishi mumkinligi aytilgandi, lekin Kuyt butsasini mixga osishga qaror qildi. Mashhur futbolchi katta futbolni yuqori notada tark etmoqda, chunki Rotterdam jamoasi va nihoyat 18 yillik tanaffusdan so'ng joriy mavsum Gollandiya chempionligini qo'lga kiritdi. Ma'lumot uchun, Dirk Kuyt faoliyati davomida “Feyenoord”dan tashqari “Fenerbaxche”, “Liverpul” va “Utrext” jamoalarida to'p surgan. Shuningdek, Gollandiya terma jamoasida 104 ta o'yinda maydonga tushib 24 ta gol urgan.
— deya xabar beradi uff.uz nashri.