Angliya matbuot xizmatlari “Lester”ning ikki etakchi futbolchilari Kasper Shmeyxel va Riyod Mahrezlarni jamoani tark etib, Evropa Chempionlar Ligasida ishtirok etadigan klublar tarkibiga o'tishini ta'kidlashayotgandi. “Lester” bosh murabbiyi Kreyg Shekspir bugun ushbu mish-mishlarga javob qaytardi. “Hozir bir narsani aniq aytishim qiyin, chunki biz bilan hech kim bu haqda bog'lanmagan. Hammasi avvalgidek davom etmoqda. Futbolchilar o'zlarini transferga qo'yishlari haqida rahbariyatga murojaat qilishmadi. Jamoa  etakchi futbolchilarini yo'qotish niyatida emas. Lekin bu - futbol. Nima deb o'ylaysiz? “Lester” o'tgan yili Kanteni sotgisi kelganmidi?”, - deydi Shekspir Daily Mail nashriga bergan intervyusida.
— deya xabar beradi uff.uz nashri.